Vështirësi gjatë udhës: Përndjekja në jetën e krishterë

Ndërkohë që shumica prej nesh kemi dëgjuar për të krishterët që vuajnë për besimin e tyre, ne priremi të mendojmë se “përndjekja” i ndikoi kryesisht besimtarët në të kaluarën ose i ndikon sot besimtarët në vendet që janë armiqësore ndaj ungjillit, larg nga përditshmëria e jetës sonë. Por ky libër që të hap sytë i përshkruan fazat e ndryshme të përndjekjes, duke zbuluar se përndjekja është diçka me të cilën të gjithë ndjekësit e Udhës mund të presin të përballen në këtë botë të rënë. Vështirësi gjatë udhës jo vetëm që do t’i ndihmojë lexuesit ta dallojnë përndjekjen në të gjitha format e saj, por do t’i aftësojë ata për të qëndruar të fortë kundër asaj. Libri nuk nxit një krishterim të tipit “rrogoz dere,” përkundrazi ai shpall krejt të kundërtën – një besim triumfues, që rimëkëmbet, që jo vetëm mbijeton, por harliset teksa përplaset me vetë portat e ferrit.

Duke treguar prej dekadave të përvojës me besimtarët e përndjekur pranë nesh ose larg, autori Fllojd Brobëll ju fton të:

• Dalloni qëllimin e Perëndisë për kishën e Tij në një botë të paperëndishme
• Mësoni sesi e duroi Krishti përndjekjen dhe si iu përgjigj asaj
• Zbuloni sesi ndjekësit e Tij, në të shkuarën e në të tashmen, e imitojnë Krishtin në vuajtjen e Tij
• Kuptoni sesi përndjekja kërkon ta pengojë besimin dhe dëshminë e krishterë
• Mësoni sesi t’i përgjigjeni me dashuri besimplotë cilësdo përndjekjeje me të cilën po përballeni.