Акъикъатны къыдыргъанда

Сизинъ дикъкъатынъызгъа ислямнынъ интеллектуаль пайтахты олгъан Мысырда яшагъан секиз мусульманнынъ омюр икяелерини, олар акъикъатны исрарлыкънен къыдыргъанлары ве бильгенлери акъкъында акъикъий тарихларыны теклиф этемиз.

Ислямнынъ ишанчлы къафадар месихчилернинъ тюкянларына ве эвлерине кирип, оларны ягъмаджылыкъ япа. Онынъ месихчилерге нефрети артмакъта, ве о, олар топлашкъан ерлерни уджюм этмеге башлай. Сонъ о, месихчилернинъ «уйдурма огретювини» мейдангъа чыкъармакъ макъсадынен оларнынъ Мукъаддес Язувыны огрене. Амма Мукъаддес Язувда о ачкъан Бирев онынъ юрегини эеджа н­ландыра, ве о, башкъа адам олып, озюне Павел адыны сайлап ала.

Делиллерни дикъкъатнен талиль этмек ичюн вакъыт джоймайып, бир-де-бир динни акъикъий я да акъикъий олмагъаныны илян этмек эр шейден къолай олгъаныны анълап, эки дост-мусульман къайсы дин акъикъий олгъаны акъкъында суаллер къойып башлайлар. Алладан гъайры башкъа ич бир шей къыдырмагъа истемейип, олар объектив джевапларны гъайретнен къыдырмагъа башлайлар. Чокъ юкъусыз геджелерден сонъ, кимерде джевапсыз суаллернинъ акъымында богъулып, олар, ниает, пек тапмагъа истеген Оны тапалар.

Яш апай Лейля ерсиз рухий суаллер бергени ичюн озь къорантасы, озь бабасы ве оджаларынынъ тарафындан даима котекке огъратыла. Бутюн башындан кечиргенине бакъмадан, о, онынъ суаллерине джевабы Олгъаныны тапа.

Ислям миссионери Ибраим, Мухаммеднинъ артындан джанюректен кетмеге истеп, месихчи китапларыны эвинден алып ташлай. Ибраим Аллада раатлыкъ тапкъанда исе, онынъ къорантасы ве достлары ондан юзь чевирелер.